Am 08.03.2013 ist Frauentag. Aber Anette Schreiber wünscht sich Erinnerungstage, die wirklich zu was gut sind.
Ess gibbd ja fassd nix, woss nedd ann exdra Dooch däfuä gibbd. Heud zämm Beischbill iss Dooch dä Fraa und sunsd nuch irchändawoss. Iss a nuch aimbfoch, aichändlich. Obbä wennsd fuä olläs immä an exdra Dooch brauggsd, dämidd mä sich onn dess äinnäd, wo mä sunsd goä nedd drodängd, iss dess doch fassd so blööd wi dä Muddä-Dooch. Weil wennsd blooß o demm Dooch o die Muddä dengsd und sunsd nedd, iss dess draurich und blooß dämidd irchendwelcha Leud irchendann Brofidd oddä ann sonsdiggn Blödsinn machn könna.
Wissdä, woss iich miä desswechä öffdä amoll wünschn dääd? Ann Dooch, deä gonz allaa amoll sich selbä und nedd irchendamm irchendwoss oddä amm schwochsinnigm Schmann gäwidmed iss. Bee Ess: A boä Ausnooma, di füä wirglich woss guud sänn gibbds bäschdimmd aa.
