Was bleibt vom Wahljahr, fragt Anette Schreiber. Noch bevor es so richtig angefangen hat.
Au weeh! Heuä könnä mä uns auf woss gfassd mochn. Heuä wädd woss gäboodn . Heuä hommä widdä moll a Woohl-Joä. Woss dess hassd? Näjaa, do kummd widdä so manch aanä zäm Voäschein, denn mä scho längä nimmä bei uns gsääng hodd. Fo di Bolidiggä, maan ich edz.
Wie im Fänseeh dunn sa sich donn aa widdä bei uns fassd scho übäbiiedn mid Fäschbrechunga, dossd glabbsd, du draamsd. Fassd schdimmd dess ja aa. Wemmä bedrochdn dudd, woss fo denna meisdn Fäschbrechunga im Joä nochm Woohl-Jöä übrich bleibd? Nedd fill. Dess wädd wohl do dro liieng, doss di Bolidiggä donn olla di gleich Grongheid griing - Gedächdnisschwund: Si könna sich nimmä o ihra Fäschbrechn äinnän.
Woss bleibd fo so amm Woohl-Joä? Wemmä Glügg hodd, di Kuuchlschreibä und di Feuäzeug, di si fäschengd homm...
