Radfahrer sollten besser nicht schreckhaft sein, hat die "Schreibära" festgestellt.
Wissn Si, woss Roodfohrä am meisdn brauugn? A guuds Häzz. Schuld dro sänn di Audofohrä und gonz bäsondäs di Inschenöä. Worumm? No, weilsd immä so däschräggn dussd, wenn's nebä diä auf amoll "glagg glagg" mächd und a Audo so fo gonz allaa es blingn ofängd. Bloos, weil so a Dolldi zä faul iss, sei Audo selbä aufzäschbänn, oddä dess scho vo zwaahunnäd Medä Endfännung mit seina Fännbediinung mochn muss. Am libbsdn fo gonz fänn, so doss mä goä nix midgrichd.
Di Inschenöä, di dess Zoich äfunna homm, di solldn sich gleich an besondänn Häzzschriddmochä füä Fohrrod-Fohrä eifolln lossn. Oddä di Nummä vomm Noodoäzd gleich mid nei brogrammiän.
