Stefan Fössel Was mach mer, wenn Corona rum is'? Wahrscheinlich alles, was grad net geht. Mir trang dann die Maskn bloß nuch, wenn Fasching is. (Und der is in Bamberch für manche nie.) Mir gäm dann wi...
Stefan Fössel Was mach mer, wenn Corona rum is'?
Wahrscheinlich alles, was grad net geht.
Mir trang dann die Maskn bloß nuch, wenn Fasching is. (Und der is in Bamberch für manche nie.)
Mir gäm dann wieder an jedn die Händ' und waschn sa nimmer ganz so oft.
Mir machen da Urlaub, wo's uns gut gfällt und wähln nach Landschaft, net nach Inzidenz. Mir rücken dann wieder weng enger zam, weil Abstand ham mer grad wirklich genuch.
Mir knörn uns durch Sandkerwa und Weihnachtsmärkte,
gehn nei die Kneipn und tanzen a weng. Mir kaafn bloß nu des Klopapier, des mer braung.
Weil a die Hamsterei is dann endlich vorbei. Vielleicht könn' mer wieder mit dena reden, die ständich behaupten, des is alles Betruch. Auf alla Fäll derf' mer uns weiter bedanken bei Verkäufern, Krankenschwestern und andera Leut.
Und wenn uns aner komisch anguckt, dann lach' mer und denken: Hauptsach' gsund!
Ob mer des alles machen, wenn Corona rum is?
Wenn's erscht mal so weit is, dann wern mer's scho säng...
