Soo iss dess Leem! Grood woä aa gonz a nedda Fraa bei miä, midd an schönn, richdch roodn Reegnschirm. Grood gäleuchd hoddä. No hodd si miä di Gschichd däzu äzeeld.

Wi si foddganga iss, woäs schöö. Nochäd hodd's es rängna oogfangd. Sii nein Gschäffd, ann Schirrm kaffd. Widdä naus. Dä Reegn - fodd.

Dess hodd mich gleich o di Doggdä äinnäd: Dahamm hossd Schmäzzn äss wii, bissd beim Doggdä feeld dä nix meä. Dä Undäschied zämm Schirm: Denn Buss-Foäschein füä di Föäd zämm Doggdä kossd nimmä fäwendn...