Seid a boa Wochn gee ich middoch immä zä Frau Döll. Ich kenn si zwoä nedd bäsonlich und di waaß bäschdimmd aa nedd, doss ich immä bei iä binn. Obbä ich find's glasse, doss ess si gibbd, di Frau Döll.
Ohne si wissäd ich offd nedd, wi ich den Ressd fomm Dooch übäschdenn solläd. Di Frau Döll iss eimbfoch a Insdiduzion im Hain in Bambärch, iä glaanä Loodn a Middlbungd. Und mä geehd dodd nedd nein Edega, sondänn zä dä Frau Döll.

Seid ich zä dä Frau Döll gee, wünsch ich mä, doss ess meä däfoo gibbd, grood wo fill olda Leud sinn und aufn Lond. Ich wünsch mä aa, doss di Leud grood di glaana Lädn bäsunng. Und doss si schäzzn, woss di Frau Döll und ira Golleegn wirglich leisdn dunn. In demm Sinn, dangschö Frau Döll und: Biss nochäd, wenn ich middoch widdä kumm und miä woss zä essn holl.