A jeeds guggd heudzädooch di Koch-Schous im Fänseeh. Ich grich dess zägoä immä leif und zwoä omm Dellefon, wenn ich midd meinä Luzzi delefoniä.

Brudähäzz, di hodd so a Höllnmaschiin in ihra Küchn. Dess Ding konn glaabich olläs bis auf Schdaubsaugn. Obbä ich deng, dess Gerääd hodd zägoä nuch gons ondra Sachn drauf. Denn wenn dä Mixx voll in Agzion iss, na höäd sich's o wi a Rageednschdadd in Käib Känäwärall. Miä flichd auf olla Fäll scho moll dess Oä wech.

Und edz wissdä worumm ich kaana Koch-Schous mooch. Im Gegnsodz zä dä Luzzi iäm Essn. Dess schmeggd nedd nuä subbä, sondänn hälld aa a boä Dooch foä - nedd so wi beim Fänseeh, wosd blooß immä an Sauhungä fomm Guggn griggsd...