N ed, dassa dengd, liebe FD-Leser, mier wör der Schdoff dafür ausganga, walli scho sulang nex mehr vo mier hörn und säng hob lon. Öbber es gäbd hald nu wos annaschds aa in mein Lem, wos hald gmachd wern muss, wie bluuß Mundoardgschichdla schreim.

W osi euch heid derzill, ligd schöns a Weng z'rügg und es drehd si üm 'Helloween' vo der harmlosn Oard: Draun, oo unnara Häusdüür hod's bumerd. Wie iech aufmach, schdenn zwaa Maala, a weng masgierd und im G'sichd zammgschmierd und hamm ihr Schbrüchll aufsogd: Ned Hallo, öbber gor Grüß Godd, öbber Gudn Omd, wie's bo uns üblich is, bluuß "Süß, öbber Saures!".

D rodz ihra verschdelldn Visasch hobbis kennd: zwaa Gschwisdera vom Dorf, zwischa zea und schädzungsweis zwölf Johr old. Noch hamms ma aa Blasdiggdüüdn under die Nosn g'haldn. Und nuamoll "Süß, öbba Saures!" gsogd. Widder nex annaschds hamms rausbrochd.

H aldamoll", hobbis bremsd, "wissd ihr zwaa überhaubd, warum ihr su a Agzion machd?" "Keine Ahnung", wor vo alla zwaa gleichzeidi die Andword. "Och, des wissda gor ned. Noch gedda edz haam zu Euara Murra und frägd die! Und wennas wissd, noch kummda widder, noch grigda aa wos vo mier."
Noch hamsa si davoodrolld, alla zwuu. Kumma senns nümmer!